رواية بريئة اوقعتني في حبها بقلم دعاء حجاج
ياسين قفل التليفون وقال: ده معنى أن حمزه وميرال مخطوفين
رنيم بصدم#مه: اي
على الجهه الاخري
ميرال وحمزه طلعوا اخيراا وحمزه قال وهو بياخد نفسه: العربيه اهاا
حمزه كان رايح يطلع المفتاح من جيبه لكن ميرال حضنته جامد اوي
حمزه بخضه: ميرال انتى كويسه ؟
ميرال بانتماء: شكرًا أوى لولاك كنت هكون مد"مره فعلًا
حمزه حط ايده على شعرها الحرير وقال: يعنى مش سي زي ما بتقولى
ميرال بعدت عنه وقالت: لا سي عارف ليه
حمزه برفع حاجب: ليه
ميرال: عشان خلتنى أوقع على العقد واخدت حريتى
حمزه بابتسامة: اهاا الحاجه الوحيده اللى مستحيل اتراجع عنها
ميرال: بجد
حمزه حط ايده في جيبه الامامى وقال: كويس أن المفتاح معايا
حمزه ركب العربيه وشغلها وقال: اركبي يا ميرال ونتكلم في الموضوع ده بعدين
ميرال خدت نفس عميق وركبت فعلا
حمزه مسك التليفون وقال: كويس ان كل حاجه موجوده في العربيه
ميرال شدت التليفون منه وحمزه انخض
حمزه بخضه: في اي
ميرال سجلت رقم رنيم وقد تذكرت ان تليفونها مش معاها
ميرال بحزن: كنت عايزه ارن على رنيم اكيدا قلقانه عليا أوى
حمزه خد منها التليفون وقال: ولا تزعلى نفسك هرن على بابا
ميرال ابتسمت وحمزه رن على كمال اللى فتح التليفون عالطول
كمال: حمزه فينك يا حبيبي
حمزه: ده موضوع طويل يا بابا المهم عايزك تقول لرنيم ان ميرال بخير واحنا حاليًا في الطريق
كمال هز رأسه وقال: الحمدلله أنكم بخير يا حبيبي وعلى فكره في مفاجاه حلوه اوى هتعجبك
حمزه بفضول: مفاجاه اي
كمال: لو قولت مش هتبقا مفاجاه يلا سلام
حمزه: سلام
كمال قفل التليفون وبص لسيف وقال: اخوك بخير وحاليا في الطريق
سيف قام وقال بلهفه: هو رن عليك
كمال: أهدأ٠٠٠٠ ثم كمل: ايوه وقالى انه في الطريق وهما بخير
سيف: وربنا لدفعك التمن غالى اوى يا رنيم على اتهامك الباطل لاخويا
كمال: معلش يا ابنى وبعدين البت معذورة بردو انت عارف اخوك كويس
سيف خد نفس عميق وقال: رن على ياسين خلى يرجع
كمال هز رأسه ورن على ياسين فعلا
بقلم دعآآء حجآآج-----------------------------------------
------------------------------------------
رنيم فاقت من الصدم#مه وقالت: ياسين انت بتقول اي
ياسين: مش عارف يا رنيم بس اعتقد انهم واقعين في مشكله
رنيم حطت أيدها على رأسها وقالت: معقول يكون جرالها حاجه
ياسين كان رايح يتكلم لكن رنت تليفونه قاطعته
ياسين مسك التليفون وقال: بابا
ياسين فتح التليفون وقال: الووو
كمال: ارجعوا يا ياسين ٠٠٠٠ثم كمل: حمزه وميرال رجعوا
ياسين بفرحه: بجد
كمال: حمزه رن عليا وقالى انهم بخير وحاليًا في الطريق
ياسين: تمام راجعين حالا
ياسين قفل التليفون وقال وهو باصص لرنيم: اختك بخير يا رنيم
رنيم بصتله وقالت: عرفت منين ؟
ياسين: بابا قالى انهم بخير وحاليًا في الطريق
رنيم فرحت أوى وقالت: الحمدلله الحمدلله انا كنت خايفه عليها اوى ٠
دينا حضنت رامى جامد أوى وقعدت تعياط
رامى خد نفس عميق وقال: دينا انتى فعلًا بتحبي زياد
زياد من وراءهم: ايوه يا روح امك بتحبنى عندك شك في كده ولا أي
دينا أول ما سمعت صوت زياد بعدت عن رامى عالطول وقالت بصدم#مه: زياااد
زياد مسك ايد دينا وقال بغضب: انا قولتلك امبارح اي يا روح امك ولا حابب تمو"ت
