رواية بريئة اوقعتني في حبها بقلم دعاء حجاج
طلع التليفون من جيبه وقال بصدم#مه: ده المعلم هنعمل اي دلوقتى ٠٠٠٠
_طب افتح يا حمار قبل ما يشك في حاجه
فتح التليفون فعلا وبلع ريقه بصعوبه وقال: كله على ما يرام يا بيه
_فين الفلوس
حط ايده على سماعه التليفون وقال بخوف: المعلم المعلم بيسأل عن الفلوس أقوله اي
بصوا لبعض ومكنوش عارفين يعملوا اي لياخد أحدهم التليفون ويقول: الفلوس هتوصل بكره يا معلم
المتحدث بجديه: ليه أن شاء الله
الشاب بتفكير: البوليس ورانا يا بيه ومش هنعرف نيجى لحضرتك
المعلم بخوف: اوعكم تيجوا اوعكم
ابتسم بخبث وقال: الفلوس هتكون عندك بكره يا بيه ٠٠٠٠
_وانا في الإنتظار سلام
_سلام
قفل التليفون وقال بابتسامه: اي رأيكم بقا
بصوا لبعض وقالوا بابتسامة مماثلة: يا ابن إلا اي ٠٠٠٠
بص لرنيم وقال: هنعمل اي في البنت ده
واحد بص ليها وقال: سيبوا الموضوع ده عليا
_هههه ما تسيبوا عليا انا
قعد على الكرسي وقال: بس ٠٠٠٠محدش هيقرب من البنت ده ابدأ
الاتنين انصدموا ليقول أحدهم: ليه
بص لرنيم فهو عشق برائتها وملامحها البريئه ليقول: انا قررت اتجوزها
الاتنين بصدم#مه: اي
-------------------------بقلم دعآآء حجآآج--------------------------
في قصر جلال الوزيري
قاعد على الاريكه الموضوعه في الجنينه وماسك كاسه فيها *** وعيونه حمره بسبب الشرب
رامى بعيون دامعه: ليه بيحصل معايا كده
كيان اخت رامى الصغيرة
كيان: بابا لو رجع وشافك بالحاله ده هيطردك يا رامى
رامى وهو بيشرب: مش فارقه كتير
كيان قعدت جنبه وقالت: أنساها بقا لازم تنساها يا رامى
رامى بصلها وقال: مش بالسهولة ده يا كيان مش بالسهولة ده
كيان: بلاش تظلم نفسك وبعدين ما في بنات كتير أوى بيتمنوا نظره منك يا معلم بس حضرتك ولا هنا
رامى قام وقال وهو داخل جوا: انتى مش فاهمه حاجه يا كيان مش فاهمه حاجه ٠٠٠٠٠
كيان بعصبية: أعرف عنوانها بس وربنا لامسكها من شعرها هي مفكره نفسها اي عشان ترفض اخويا ده البنات كلها بتتمنى نظره واحده منه
على الجهه الاخري ٠٠٠٠٠٠
قاعده وضمه رجليها وايدها لبعض والدموع نازله من عينها
دينا: انا خايفه على ماما اوى يا تري خدت علاجها ولا لا
دينا مسكت تليفونها وقالت بتردد: ارن عليا ولا لا
دينا بعد تفكير دام دقيقتين: لازم اتاكد إذا كانت خدت الدوا ولا لا
دينا رنت على زياد فعلًا
قاعد على السرير وماسك صورتها (دينا) وبيقول: انتى ليا انا يا حلوه واللى يفكر ياخدك منى مش هيكفينى فيا روحه
قاطع تفكير زياد رنت تليفونه
مسك التليفون وقال بابتسامه: دينا وبترن عليا اكيدا في حاجه غلط
فتح التليفون وقال: غريبه
دينا: ماما خدت دوا ولا لا
زياد: طبعًا يا روحى ده مرات عمى قبل ما تكون حماتى
دينا: سلام
زياد قعد يضحك وقال: الظاهر اللى حصل خوفك منى
دينا:_________
زياد: سلام يا قلبي
دينا قفلت التليفون وقالت: حسبي الله ونعم الوكيل فيك حسبي الله ونعم الوكيل فيك بكر"هك أوى
في قصر كمال النصراوي٠٠٠٠٠٠
ميرال طلعت من الحمام بعد ما خدت شاور ولبست بيجامه رصاصي
ميرال بخوف: رنيم مرجعتش لحد دلوقتى وبرن عليها مش بترد انا خايفه عليها اوى
ميرال بصت في الساعه وقالت: والساعه ١٢ ده اول مره تتأخر معقول حصلها حاجه
_لا لا يارب لا
ميرال طلعت من الاوضه وقالت: أروح لعمى كمال ولا اعمل اي
ميرال بتردد: لا لا تلاقي نايم والصراحة بخاف من اللى اسمها ناهد ممكن تقول كلام وحش عن اختى
