رواية بريئة اوقعتني في حبها بقلم دعاء حجاج
دينا بشك: وربنا يا زياد ماما لو جرالها حاجه لاقت"لك
زياد مسكها من وشها جامد أوى وقال: بقا الوش البرئ ده يقت"ل ؟
دينا زقته ودلفت الى الحمام عالطول
زياد خد نفس عميق وقال: يا تري مين اللى عمل كده
(في الجامعه)
بعد انتهاء المحاضره ميرال قامت ومسكت الكتب وطلعت من المدرج
ميرال طلعت التليفون من الشنطه ورنت على حمزه اللى أتأخر أوى في الرد
حمزه رد اخيراا
_اي يا قلبي
ميرال بعصبية: مين اللى معاااك
حمزه ضم حواجبه وقال: اللى معايا
ميرال هزت رأسها وقالت: ايوه مين اللى معاك وبلاش تكدب
حمزه بص حواليا وقال: معايا المكتب والملفات وفنجان القهوه
ميرال: حمزه أنا مش بهزر مين اللى معاك
حمزه بعصبية: في اي يا ميرال
ميرال خافت من نبره صوته وقالت: أهدأ يا حبيبي وبعدين أنا قلقت عليك عشان اتاخرت أوى في الرد
حمزه بغيظ: دلوقتى حبيبي
ميرال بابتسامه: ايوه طبعًا حبيبي
حمزه: فينك دلوقتى؟
ميرال: خلصت المحاضره الاولى ورايحه اقعد في الكافتيريا شويه
حمزه بحده: يا رب تروحى الكافتيريا يا ميرال
ميرال: ليه
حمزه قبض أيده وقال: يعنى مش عارفه
ميرال كانت رايحه تتكلم ولكن الخط فصل لتقول بعصبية: ماشي يا حمزه ماشي
ميرال وضعت التليفون في شنطتها وجوري جرت على ميرال وقالت وهى مش قادره تاخد نفسها: ميرال ميرال
ميرال مسكت أيدها وقالت بخوف: في اي
جوري بتمثيل العياط: في في واحد سرق منى الشنطه وفيها وفيها موبايلى وفيها وفيها الفلوس بتاعت المراجعة
ميرال: طب أهدي
جوري بتأليف: أنا طلعت بالعربيه وراء الشاب اللى سرق الشنطه وعرفت راح فين
ميرال باستغراب: وازاي طلعتى وراء اقصد ازاى مش شافك
جوري بارتباك: أصلا كان مستعجل أوى ومخدش باله من اللى وراء
ميرال: طب رنى على على
جوري هزت راسها وقالت بتمثيل الخوف: لا لا الا على ده لو عرف ممكن يقت"لنى فيها ومش بعيد مروحش الجامعه تانى
ميرال كانت حاسه أن في حاجه غلط لتقول: وبعدين يروح التليفون والفلوس في داهيه المهم انتى بخير
جوري بلعت ريقها وقالت: أصلا أصلا بطاقتى موجوده في الشنطه
ميرال خدت نفس عميق وقالت: خلاص رنى على الشرطه طالما عارفه مكان الشاب
جوري مسكت ايد ميرال جامد أوى وقالت: الشرطه هتتاخر يا ميرال
ميرال وهى ماشيه وراءها: جوري سيبي أيدي
جوري وقفت عربيه وركبوا فيها وميرال قالت: جوري انتى مجنونه
جوري بصت لميرال وقالت: على لو عرف هيق"تلنى يا ميرال
ميرال: وانتى مفكره اننا هنقدر على الشاب لوحدنا ٠٠٠٠اكيدا دول عصابه
جوري وهى بتفرك في ايديها: أن شاء الله خير
ميرال بقلق: ربنا يستر
بقلم دعآء حجآج---------------------------------------------------
-------------------------------------------------------------
(عند سيف ورنيم)
سيف بص في الساعه وقال: رنيم انتى نمتى جوا ولا أي
بعد شويه
رنيم طلعت اخيرا وقالت: يلا
سيف قام ودون أن ينظر إليها: كل ده تأخير
رنيم مسكت في دراعه وقالت: أصلا الفستان ده طلع ضيق أوى
سيف خد خطوه لوراء ونظر اليها ليري الفستان ضيق جدآ من عند خصرها ويتعدى ركبتها بشويه صغيرين
سيف: اي ده
رنيم بكل تلقائية: فستان
سيف بتريقه: لأ والله تصدقي مكنتش أعرف انه فستان
رنيم بغضب: في اي يا سيف
سيف: انا اتاكدت فعلًا انك بتحبي تعصبينى
رنيم مكنتش فاهمه حاجه لتقترب منه وتقول: طب أهدأ وقولى اي الغلط اللى فيا
سيف بهدوء: الفستان
رنيم: ماله ؟
سيف مكملًا بنفس الهدوء: ضيق وقصير
رنيم: عادي يا حبيبي آمال لو عرفت انى كنت عايزه البس مايوه
سيف بدا يقرب منها وعيونه بطق شر"اره
_قولتى اي
رنيم بدات ترجع لوراء وقالت وهى بتبلع ريقها: اه انا بحب عصبيتك عليا بس مش للدرجه ده
سيف وقف مكانه وقال: قسما عظما يا رنيم لو ما احترمتى نفسك لأكون قت"لك
رنيم برقت وقالت: عايز تقت"لنى يا سيف عشان قولتلك كنت هلبس مايوه
سيف وهو بيشاور على الحمام: ادخلى غيري القرف ده مش عايز اتعصب عليكى
