رواية بريئة اوقعتني في حبها بقلم دعاء حجاج
وقتها رامى مقدرش يسيطر على دموعه إللى خدعتوا ونزلت عالطول
دينا قلبها وجعها أوى وزياد بص لرامى بانتصار وقال: اطلع براا
ثم كمل بحده: ورحمه امى لو شوفتك قربت من دينا تانى لأكون قت"لك
رامى بابتسامه تحمل الوجع: الف مليون مبروك وربنا يتمم على خير
وقتها دموع دينا نزلت وزياد حط ايدو على خصرها وقال: الله يبارك فيك عقبالك
رامى: تؤ مش هقدر أحب بعدها مش هقدر
زياد كان رايح يضر"ب رامى لكن دينا مسكت دراعه وهزت راسها بمعنى لا٠٠٠٠٠
رامى نظر لدينا وتلك النظره كانت تحمل الم ووجع كبير أوى
رامى طلع ودينا كانت رايحه وراء لكن زياد مسك ايدها وقال بحده: على فين ؟
دينا زقته وجرت على اوضتها وقعدت تعياط بكل حرقه
زياد عدل الجاكيت وسميره قالت بثقه: مش هتتجوزها مش هتتجوزها رامى اللى هيتجوزها
زياد اتعصب اوى وقال: على مو"تك يا حماتى رامى لو اتجوز دينا يبقا على مو"تك
سميره رفعت أيدها عشان تضر"به لكن زياد بكل وقاحه مسك أيدها وقال: انتى عارفه كويس انا ممكن أعمل اي ؟
سميره: براااااا اطلع براااااا
زياد ابتسم وقال: هاجى اتغدا معاكم بكره تبقي حماتى حبيبتي لو عملتى جمبري بسمع انه مفيد اوى
سميره مسكت ايد زياد وزقته ليقع على الأرض وبكل برود اعصاب قعد يضحك
سميره قفلت الباب جامد أوى وبصت على غرفه دينا بكل غضب ٠٠٠٠
في الطريق
سايق العربيه باقصي سرعه والدموع نازله من عينه وحرفيا مكنش مصدق اللى عملتوا دينا ٠٠٠
رامى قعد يضر"ب الدركسون بايده وقال: ليه ليه ليه عملتى كده ليه
رامى داس فرامل وحط رأسه على الدركسون وقال بوجع: ده انا كنت مستعد ابيع العالم كله عشانك وفي الآخر طلعتى بتحبي للدرجه ده كنت مغفل
٠٠٠٠٠٠٠٠
( والله اغنيه تامر حسني بتاعت وقوليلوا ياخد باله منك زي ما كنت أنا بخاف عليكى تمشي عليكم اوى )
عند ميرال وحمزه ٠٠٠٠٠٠
ميرال بصت لحمزه وقالت بعدم استيعاب: قولت اي ؟
حمزه بص لتحت وقال: كنت بهزر معاكى مش اكتر وبعدين مفيش تشابه بينا خالص يعنى انتى بارده ودمك تقيل انما انا البنات كلها بتحبنى وكيوت
ميرال كبحت ضحكاتها بصعوبه وقالت وهى بتشد خدود حمزه: ماشي يا كيوته
حمزه مسك أيدها وقال بغضب: اي شغل العيال الصغيره ده
ميرال: احم أنا اسفه
حمزه نام على الأرض وميرال قالت: بتعمل اي
حمزه حط راسه على رجليها وقال: واخدك على صدري من ساعه ما قعدنا وعشان حطيت راسي على رجلك زعلتى
ميرال خجلت من جرأته وقالت: على فكره أنا لسه جعانه
حمزه بص حواليا وقال: مش شايفه الوقت ولا اي
ميرال: على فكره بطنى بتشتكى
حمزه انعدل وحط ايده على خدو وقال: انتى اي
ميرال ضمت حواجبها وقالت: أنا اي
حمزه: انتى مطلوبه يا حلوه عارفه يعنى أي مطلوبه
ميرال بغباء: مطلوبه ازاى معلش
حمزه حط راسه على رجليها مره أخري وقال بكل جرأة: الشباب كانوا عايزين يغت"صبوكى
ميرال بصت لحمزه وقالت بغضب: مش بقولك قليل الأدب
حمزه رفع عيونه لمستواها وقال: انا بقول الحقيقه على فكره الشباب كانوا عايزين يغتص"بوكى
ميرال وقد خجلت منه وحمزه قال: يعنى المفروض تشكرنى لولايا كان حالك مد"مره
ميرال ابتسمت ولأول مره تكلم حمزه بطريقه حلوه: حقيقي مش عارفه اقولك ايه لولاك فعلا كنت هكون مد"مره
حمزه ابتسم ومكنش مصدق ان ام لسان بتتكلم كده
ميرال زقت حمزه وقالت: عايزنى اقولك كده صح طب على فكره بقا انت السبب ايوه انت السبب
حمزه قام وقال: أنا السبب
ميرال قامت أيضًا وقالت: ايوه انت عشان لو كنا ركبنا العربيه مكناش هنبقا هنا دلوقتي
حمزه بغضب: والله انتى عارفه لو كنا ركبنا العربيه كنا هناخد وقت قد اي على الأقل أربع دقايق وقتها هنكون فوق في السما ٠٠٠٠٠
ميرال بغضب مماثل: لا محصلش كنا ٠٠٠٠٠
حمزه وقد نفذ صبره ليشدها من أيدها ويقبلها بعنف حتى تكف عن صياحها المزعج جدا
ميرال عينها اتسعت اوى وحمزه زقها وقال: اسكتى بقا
