رواية بريئة اوقعتني في حبها بقلم دعاء حجاج
كمال: طب هات كل الملفات اللى بتخص المقابله
رامى هز رأسه وقال: اي اوامر تانيه يا كمال بيه
كمال: لا يا رامى
رامى طلع عالطول ورن على سيف وقال: انت مش جاي الشركه النهارده ولا اي
سيف: مش بابا عندك
رامى: اه هنا بس كنت عايزك في موضوع مهم اوى
سيف: بيخص دينا صح
رامى: الصراحه اه
وفجاه الخط فصل ليقول رامى بانتهاد: سيف سيف٠٠ الو
دينا: رامى بيه رامى بيه
رامى بابتسامة: دينا
دينا باستغراب: حضرتك كويس
رامى بجديه: عايزه أي يا آنسه دينا
دينا وضعت الملفات على ايده وقالت: كمال بيه عايز الملفات ده
رامى بغباء: دينا هو انتى بتحبي خطيبك
دينا وقفت مكانها وقالت وهى ضمه حواجبه: نعم
رامى بصوت واطى جدا: اي اللى بقولوا ده ٠٠٠٠ليقول بصوت عالى نوعًا ما: مفيش حاجه يا دينا ويا ريت تبطلى تتكلمى في التليفون كتير
دينا بكل ثقه: حضرتك انا بخلص كل شغلى ومش مقصره خالص عشان تقولى كده
رامى وهو يكز على سنانه: طب اتفضلى على شغلك يا انسه وبلاش كلام كتير
دينا اتنرفزت منه اوى لتقعد على الكرسي بتاعها وتنظر لرامى بكل غضب واشمئزاز
رامى دلف الى مكتبه ليقعد على الكرسي ويضع ايده على رأسه ويقول بكل وجع: مش قادر اتحمل اكتر من كده مش قادر اشوف الدبله في أيدها انا بحبك اوى يا دينا بحبك اوى
ليقول بتأنيب نفسه: كانت قدام عينك يا حمار كانت قدام عينك جاي تكتشف مشاعرك بعد فوات الاوان
ليقول بحزن: حتى لو مش مرتبطه دينا عمرها ما هتحبك ولو كانت عايزه تحبك كانت حبيتك من زمان أوى بس انا مش في قاموسها اصلا
استفاق رامى من شروده على صوت رنت الجرس
رامى: كمال بيه والملفات
رامى قام عالطول وخد الملفات ليتجه الى مكتب كمال النصراوي
في الجامعه
ميرال انتهت من كل محاضراتها لتخرج برا لتقابل السلعوه التى تدعى (مرام)
مرام: اي ده ميرال انا افتكرت انك مش هتيجى الجامعه تانى بس كنت غلطانه
ميرال ابتسمت وقالت: مفاجاه صح
مرام بجديه: عايشه فين دلوقتى يا ميرال
ميرال مردتش عليها وخدت بعضها ومشت لتترك مرام وهى تكاد ان تنفجر من الغيظ
ميرال طلعت على الطريق العام وتقول: اكيدا هشوف السلعوه ده كل يوم
_ميرال
ميرال: جوري
جوري (صديقه ميرال المقربه): اي رايك نروح كافتيريا نقعد فيها شويه
ميرال: امممم موافقه
جوري ابتسمت وراحوا فعلا كافتيريا قريبه جدًا من الجامعه
ميرال وجوري قعدوا لتقول جوري: اي رايك نشرب قهوه
اومات ميرال بالموافقه
جوري: وعندك فنجانين قهوة يسطاا
ميرال بصت لتحت وقعدت تضحك وقالت: يخربيتك مش هتتغيري خالص
جوري بمرح: هههه مستحيل٠٠٠٠ ثم كملت بجديه: المهم تعرفي حمزه كمال النصراوي منين
ميرال مردتش تقولها انها عايشه معا في نفس القصر منعا من كلامهم رغم ان جوري صديقتها المقربة
الجرسون حط القهوه على الطاوله وجوري مسكت فنجان القهوه وبدات تشرب لتقول: مالك يا بت
ميرال شافت حمزه لتقول: ينهار اسود بيعمل اي هنا ده معقول بيراقبنى٠٠٠
جوري أول ما شافت حمزه قامت عالطول لتجري ناحيته وتقول بسعاده: حمزه انا بحبك اوى
ميرال بانتهاد: جوري
جوري مسكت أيد حمزه وقالت: تعالى اقعد معانا وبالمره تقولى عرفت ميرال منين
ميرال: جوري انتى بتقولى اي
حمزه قعد على الكرسي وبص لميرال اللى هتنفجر من الغيظ
جوري حطت أيدها على خدها وفضلت بصه لحمزه
