رواية بريئة اوقعتني في حبها بقلم دعاء حجاج
ميرال مسكت أيد حمزه وقالت: متزعلش نفسك والمفروض تاخد إعدام على اللى عملتوا
حمزه قام وقال: انا مش زعلان على نفسي يا ميرال ان زعلان على اخواتى أوى خصوصًا سيف اللى ما"تت امه وهى بتولده بسببها
ميرال قامت ووضعت أيدها على كتف حمزه وقالت: سيف هيكون بحاجتكم اوى الفتره الجايه
حمزه: هو هو فين ؟
ميرال: طلع !! سيف محتاج يقعد مع نفسه شويه لان اللى عرفوا مش سهل
حمزه هز رأسه وقال: مكنتش اعرف انها كده يا ميرال صحيح كنت بعاملها وحش بس ولا مره كر"هتها ده مهما كان امى
ميرال حضنت حمزه وقالت: وقعت في شر أعمالها يا حمزه وده عقابها على اللى عملتوا في سيف وياسين
حمزه هز رأسه وميرال حضنته جامد أوى وقالت: أن شاء الله كل حاجه هتتحل والجاي هيكون احسن من الأول
حمزه وضع ايده على شعرها وقال: أن شاء الله
بعد مهله من الوقت وتحديدًا في غرفه كمال
الدكتور قام وقال: متقلقش يا ياسين ابوك بخير بس ضغطه نزل شويه
ياسين هز رأسه وسوسن مسكت شنطه الدكتور ووصلته لحد برا
رنيم بصت لياسين وقالت: متزعلش نفسك وحاول تنسي الماضي يا ياسين على الأقل عشان ملك
ياسين هز رأسه وقال: مشوفتش ام بالقسوه ده يا رنيم
رنيم مسكت ايد ياسين وقالت بابتسامه: هتتعاقب يا ياسين هتتعاقب
ياسين بص لتحت وملك دخلت وقتها ووقفت مكانها حين رات رنيم ماسكه ايد ياسين
رنيم حين رأت ملك سابت ايد ياسين عالطول وقالت: ملك
ملك خدت نفس عميق وبصت على كمال وقالت بخوف: عمو كمال
ملك راحت عندهم وقالت: عمو كمال مالو
ياسين هز رأسه وقال: مفيش حاجه متقلقيش
رنيم: طب استأذن انا
ياسين هز رأسه ورنيم مشت بالفعل وملك ضغطت على سنانها وقالت: هي عادي تمسك ايدك كده
ياسين: ملك لو عايزه تتخانقي انا مش ناقص
ياسين طلع وملك قالت بانتهاد: ياسين استنى مكنش قصدي
ملك بصت لتحت وكمال فتح عيونه وقال بتمتمه: سيف سيف
ملك قعدت جنب كمال ومسكت ايده وقالت: عمو كمال
كمال بص لملك وقال: سيف سيف فين
ملك هزت رأسها وقالت: معرفش
كمال: طب فين ياسين ؟
حمزه وقتها دخل وجري على والده وقال بخوف: بابا انت بخير
كمال: اخوك اخوك فين
حمزه: سيف طلع يا بابا سيف مصدوم من اللى سمعوا
كمال: روح شوف اخوك يا ابنى اخوك هيكون محتاجك أوى
حمزه مسك أيد والده وقال: سيف محتاج يقعد لوحده يا بابا ما اللى عرفوا مش سهل بردو
كمال: خايف يا أبنى خايف يعمل في نفسه حاجه
حمزه ابتسم ابتسامه بسيطه وقال: سيف مش صغير يا بابا سيف واعى جدا واعتقد انه بحاجه يقعد لوحده
كمال هز رأسه وحمزه وضع مخده خلف ضهر كمال وقال: انا عايزك ترتاح ومتشغلش بالك بحاجه وانا هرن على سيف اشوفه فين ؟
كمال وضع ايده على خد حمزه وقال: لأول مره احس انك راجل مسئول على عائلتك
حمزه وضع ايده على ايد والده وقال: صحيح بهزر وتصرفاتي زي تصرفات الأولاد بس لما الموضوع يخص عائلتى مستعد أضحى بنفسي عشانهم
كمال ابتسم وقال: شوف اخوك راح فين عشان خاطري يا ابنى
حمزه قبل ايد والده وقال: حاضر يا حاج
كمال: حاج
حمزه ابتسم وقال: على فكره انا وسيف وياسين بنجهز ليك عمره كده
كمال فرح أوى وفجاه دموعه نزلت
حمزه مسح دموعه وقال وهو بيهز رأسه: اجمد كده يا حاج وبعدين مين اللى هيربي ابنى لو جرالك حاجه
كمال قعد يضحك وحمزه وضع رأسه على صدره وقال: انت قدوتى في الحياه يا بابا
كمال وضع ايده على شعر حمزه وقال: ربنا يخليكم ليا يا ولادي يا رب
في غرفه سيف
رنيم رنت على سيف كتير أوى وكل مره بيطلع التليفون مشغول
رنيم رمت التليفون على السرير وقالت: بتفصل في وشي يا سيف طيب
