رواية بريئة اوقعتني في حبها بقلم دعاء حجاج
رنيم
رنيم التفت لمصدر الصوت وقالت بفرحه: ماما سعاد
سعاد هزت راسها ورنيم جرت عليها لتحضنها عالطول
سعاد وضعت أيدها على رأسها وقالت بعيون دامعه: كنت متاكده انى هلاقي هنا
رنيم وقد تذكرت كلام مرام وشاكر لتبتعد عن عمتها وتقول: عن اذنك ٠٠٠٠٠
سعاد مسكت أيدها وقالت: عشان خاطري يا رنيم متعمليش كده انتى متعرفيش انا جيت ليكى ازاى
رنيم:_______
سعاد وقفت قصاد رنيم وقالت بعيون دامعه: أنا بعتذر ليكى نيابه عن مرام وشاكر انا أسفه اوي
رنيم حطت ايدها على خدها لتمسح دموعها وتقول بعيون دامعه أيضا: كفايه انتى عارفه انى مقدرش اشوف دموعك يا ماما ٠٠٠٠٠٠٠( رنيم بتعتبر سعاد والدتها وليست عمتها٠٠٠٠ )
سعاد حضنتها وقعدت تعيط وتقول: حقك عليا يا بنتى حقك عليا
دموع رنيم نزلت وقالت: ولا يهمك يا ماما ولا يهمك انا عارفه انك مظلومه والاتهام كدب
سعاد بعدت عنها وقالت وهى بتمسح دموعها: إتهام اي
رنيم بصت لتحت وقالت: مرام قالتلى انك طلبتى منها تطردنى برا البيت
سعاد انصدمت وقالت: محصلش يا بنتى والله ما حصل وغلاوتك عندي ما حصل
رنيم مسكت أيدها وقالت: وانا متاكده من كده يا ماما وعارفه ان مرام بتكدب
سعاد: طب طب انتى عايشه فين دلوقتى وميرال اخبارها اي ده وحشانى اوى
رنيم: ميرال بخير متقلقيش عليها يا ماما
سعاد: طب طب انتوا عايشين فين
رنيم: مع عمى كمال لو فاكراه
سعاد: كمال بيه
رنيم هزت راسها وسعاد قالت: لا يا رنيم انا مستحيل اسيبك تعيشي عند ناس غريبه انتى هترجعى معايا النهارده
رنيم: انا اسفه اوى يا ماما انا اسفه أوى مش هقدر ارجع معاكى
سعاد: لو خايفه من شاكر ومرام بوعدك هقف في وشهم
رنيم مسكت أيدها وقالت: عشان خاطري يا ماما بلاش وبوعدك هرن عليكى عالطول
سعاد بارتباك: لا لا اوعك يا بنتى وبعدين انا معيش تليفون
رنيم ابتسمت وقالت: خلاص نشوف بعض هنا
سعاد باستسلام: ماشي يا بنتى اهم حاجه عندي راحتك
رنيم ابتسمت وسعاد خدت في حضنها وقالت: عايزه حاجه
رنيم بحزن: اقعدي معايا شويه
سعاد بعدت عنها وقالت: هبقا اجى اشوفك أن شاء الله
رنيم بابتسامه: عايزه سلامتك
سعاد باستها من خدها وخدت بعضها ومشت٠٠٠٠٠٠
رنيم بحزن: مقدرش يا ماما مقدرش ارجع عمو شاكر هان كرامتى ومرام هانت كرامتى بردو مقدرش ارجع مقدرش
في شركه H٠K للأزياء
جنا: اتفضلى
ميرال دخلت والدموع نازله من عينها
٠٠٠٠٠٠٠٠٠
جنا وهى ماسكه فستان: ادخلى البسي الفستان ده
ميرال رفعت عينها وقالت بصدم#مه: اي ده ؟؟
ميرال رفعت عينها وقالت بصدم#مه: اي ده
فكأن الفستان مفتوح من على الكتاف ولا يصل إلى الركبة
ميرال باندفاع: انا مستحيل البس القر"ف ده ٠٠٠٠٠٠٠
حمزه وهو يقف عند الباب بكل برود اعصاب ليقول: جنا روحى انتى
جنا اومات بالموافقه لتخرج فعلا وحمزه بدأ يمشي اتجاه ميرال وقال بغضب: الفستان مش عاجبك ولا اي
ميرال بعصبية: ده مش فستان وانا مستحيل البس القرف ده
حمزه شدها من ايدها لتنصدم في صدره العريض ليقول بصوت يشبه صوت الافاعى: هتلبسي الفستان ده يا حلوه بإرادتك مش بإرادتك هتلبسي الفستان ده
ميرال وهى تنظر في عيون حمزه لتقول بثقه: انا مستحيل البس الفستان ده
حمزه بتحدي: حلو اوى
ميرال وقد خافت نوعًا ما ولكن حاولت تكون قويه قدام تلك الحقير
حمزه زق ميرال وقال بصوت هز أركان الغرفة: جنا جنا
جنا بصوت مقطع: ن ن نعم
