رواية بريئة اوقعتني في حبها بقلم دعاء حجاج
رنيم اقتربت منه وباسته من خده وقالت: هاجى كل يوم اشوفك واوعك تقول لا
سيف: موافق
رنيم بعيون دامعه: هتوحشنى من هنا لبكره
سيف خدها في حضنه وقال: ربنا يديمك نعمه في حياتى يا بنت قلبي
رنيم بصت في عيونه وقالت: حلوه بنت قلبي ده
سيف وأخيرا ضحك لتقول الرنيم بفرحه: اخيراا شوفت ضحكتك اللى بتخلنى اسعد واحده في الكون
سيف: طب امشي يا رنيم
رنيم ابتعدت عنه وقالت: طب قبل ما امشي قولى أنك بتحبنى أوى
سيف أبتسم وقال: مش بقولك عقل اطفال صغيره
رنيم زعلت أوى وسيف قال: على العموم أنا بحبك أوى يا رورو
رنيم حضنته وقالت: وانا بحبك أوى يا سيفو
سيف باسها على رأسها وقال: مين اللى برا
رنيم ابتعدت عنه وقالت: طاهر
سيف وضع ايده على خدها وقال: خدي بالك من نفسك وبوعدك هرجع زي الأول واحسن
رنيم ابتسمت وقالت: أن شاء الله
رنيم بدأت تمشي ولكن وقفت فجاه وقالت: هرن عليك أول ما اوصل ترد عليا ماشي
سيف هز رأسه وقال: حاضر
رنيم طلعت وركبت العربيه ومشت
سيف قعد على طرف الاريكه ووضع رأسه بين أيديه وقال: وجودك جنبي بمثابه إنتصار عظيم ليا يا روحى )رنيم (♥️
انتهت جميع المشاكل وانتهت جميع الصعاب وها بدأت الحياه من جديد
حياه ستكون مليئه بالحب والود حياه ليس بيها اي قسوه حياه تتزين بانغام الحب فقط ♥️
بدأت تمر الأيام كما هى ليس بها أي جديد فكان السيف مازال في المزرعه ورامى مازال في المستشفي بين الحياه والمو"ت والباقي في حاله مستقره نوعًا ما
"في المساء"
في قصر كمال النصراوي وتحديدًا على مائده الطعام
كمال وهو حاطط وجهه في الطبق اللى قدامه: فرح ياسين وملك هيتاجل لحد ما سيف يرجع بالسلامه
ياسين هز رأسه وقال: من غير ما تقول يا بابا أنا كنت هعمل كده
كمال أبتسم ابتسامه بسيطه ثم قام وقال: حمزه عايزك في موضوع
حمزه هز رأسه وقام وذهب خلف والده الى المكتب الموجود بالقصر
" في المكتب "
كمال قعد على الكرسي وقال: رنيت على اخوك ولا لا
حمزه هز رأسه وقال: رنيت عليا يا بابا وقالى انه بخير بس محتاج شويه وقت عشان يرجع زي الأول وأحسن
كمال هز رأسه وقال: اقعد يا حمزه
حمزه اتوتر جدا من طريقه كلام والده ليقعد بالفعل ويقول: بابا انت بخير
كمال بص لتحت وقال: انت أثبت أنك راجل باللى عملتوا ده يا ابنى والصراحة ده آخر حاجه كنت اتوقعها منك
حمزه: احم هو انا بتهان ولا مش واخد بالى
كمال ابتسم وقال: اسمعنى للآخر يا حمزه
حمزه هز رأسه وكمال قال: عشان كده قررت أكتب الشركه باسمك
حمزه بصدم#مه وعدم تصديق: أي ؟
كمال قام وقعد على الكرسي المقابل لحمزه وقال: مش كنت وعدتك انك لو أثبت نفسك هكتبلك الشركه باسمك
حمزه هز رأسه وكمال مسك شويه ورق وقال: بتوقيعك على شويه الورق ده هتصبح رئيس الشركه الحقيقي
حمزه: بابا انا خايف !! لاول مره احس بالمسئولية الكبيرة ده بس اتمنى اكون عند حسن ظنك
كمال مسك ايده وقال: وانا واثق انك هتقدر تعمل المستحيل عشان الشركه تنجح وتبقا من اهم الشركات في مصر
حمزه قام وقال: وانا بوعدك هعمل كل ما بوسعى عشان اخلى الشركه من اهم شركات العالم مش في مصر بس
حمزه كان على وشك المغادره ولكن كمال أوقفه
_مش هتوقع طيب ؟
حمزه وضع ايده على رأسه وقال: من الفرحه نسيت
حمزه مسك القلم وكمال شاور على مكان التوقيع وحمزه وقع بالفعل
كمال فرح اوى على فرحه إبنه فهو كان يريد ان يفعل هذا من زمان ولكن تصرفات حمزه كانت تمنعه من فعل ذلك
حمزه أنتهي من التوقيع ليقول: هااا في حاجه تانى ولا كده خلاص
كمال قام وقال: اكيدا في حاجه كمان
