رواية بريئة اوقعتني في حبها بقلم دعاء حجاج
سعاد مكنتش مستوعبه كلامه وهو دخل الاوضه ورزع الباب وراء
سعاد قعدت على طرف الكنبه وقالت: اعمل اي دلوقتى وهيروحوا فين دول مش معاهم فلوس
في قصر عائله النصراوي
كمال وقف العربيه وقال بابتسامه: انزلوا يا بنات
ميرال نزلت عالطول ورنيم فضلت في العربيه
كمال بص عليها من المرايه ليردف: انتى خايفه من اي يا بنتى
رنيم هزت راسها وقالت: مينفعش يا عمو هعيش معاكم بصفتى اي
_بنت صاحب عمري
_ بس
كمال نزل من العربيه وفتح الباب لرنيم وقال: نتكلم جوا
رنيم بصت لتحت وكمال قال: يلا بقا
رنيم نزلت اخيرا ودخلوا كلهم جوا
كانوا بيتناولوا العشاء
_تعالوا يا بنات
رنيم وميرال دخلوا ورنيم كانت مكسوفه أوى
ناهد بصت لكمال وقالت بفضول: مين دول يا كمال
كمال بص لرنيم وميرال وقال: رنيم وميرال وهيكونوا من أفراد عائلتنا من النهارده
الكوبايه وقعت من ايد ناهد اللى قالت بصدم#مه: اي
رنيم اتخضت وكانت ماشيه لكن كمال مسك أيدها وقال: القرار نهائي واللى مش عاجبه يتفضل برا
ناهد قامت وقالت: انت شكلك اتجنيت يا كمال
كمال لم يعطى ليها اي اهتمام وقال بتلميح: قولت اللى مش عاجبه يتفضل برا
ناهد كادت ان تنفجر من الغيظ وطلعت على فوق عالطول
كمال بانتهاد: ناهد
حمزه فهو الإبن الاصغر لتلك العائله زق الكرسي برجله وأردف بعصبية: ده بقا ملجأ لكلا"ب الشوارع
كمال بعصبية: حمزه
حمزه طلع على اوضته ورنيم قالت: عمو كمال ارجوك
حط ايدو على خدها وقال: القصر ده ملكى يا رنيم ومحدش ليا الحق انه يعترض على قرار اخدوا
رنيم بصت لتحت وكمال
قال: سوسن
_نعم يا بيه
_خدي ميرال ورنيم اوضه سيف
بلعت ريقها وأردفت بخوف: سيف بيه
_لحد ما نجهز اوضه لرنيم وميرال
_بس يا بيه
قاطعها وقال: كلامى يتنفذ
هزت راسها وأردفت بخوف: اتفضلوا اتفضلوا معايا
رنيم فضلت واقفه مكانها وكانت متردده
كمال أتى من الخلف وحط ايدو على كتفها وأردف بابتسامه: بتفكري في اي
_مينفعش يا عمو والله ما ينفع
كمال خد نفس عميق وأردف بهدوء: رنيم اطلعى ارتاحى ونتكلم في الموضوع ده بكره
رنيم هزت راسها وقالت: تمام عن اذنك
كمال ابتسم ورنيم وميرال راحوا مع سوسن اللى خدتهم اوضه سيف
سوسن فتحت الباب وأردفت بخوف: اتفضلوا
ميرال دخلت عالطول وشغلت الانوار بتاعت الاوضه وانصدمت من مساحه الاوضه فكانت مساحه الاوضه كبيره أوى
_الاوضه قد بيت عمتنا ويمكن اكبر
سوسن خدت نفس عميق وقد اي كانت خايفه من رد فعل سيف لما يعرف اللى والده عملوا
سوسن بصت لرنيم وقالت: انا اسمى سوسن ولو احتاجتى اي حاجه إضغطى على الجرس اللى عندك ده
رنيم بصت على الجرس اللى شاورت عليا سوسن وأردفت بهيام: حاضر
سوسن نزلت وميرال قفلت الباب عالطول واترمت على السرير وقالت: اي الرفاهيه ده
رنيم قعدت على طرف الكنبه وكانت بتفكر فما هو قادم
ميرال بصت على الحيطه وأردفت بذهول: هو في كده
رنيم بصت ليها وأردفت بعدم فهم: في اي
ميرال قامت وراحت عند صوره سيف وقالت: ده شبه الممثلين الاتراك
رنيم لم تهتم أبدا وقامت لتفتح الشنطه
ميرال فضلت باصه لصوره سيف فهو حلم كل فتاه
بعد مرور ربع ساعة تقريبًا
